Road trip - ஹத்தா - ஃபுஜேரா - துபாய்

பக்ரீத் பண்டிகையை முழுமையாக அனுபவிக்க வேண்டும் என்றால் ஒரு இஸ்லாமிய நாட்டில் நீங்கள் இருக்க வேண்டும். அதுவும் துபாய் போன்ற ஒரு இஸ்லாமிய நாட்டில் நீங்கள் இருந்தால் சொல்லவே தேவையில்லை. துபாய், பக்ரீத் என்றால் திருவிழாக் கோலம் பூண்டுவிடும். நிறைய மால்களில், கடைகளில் உண்மையான தள்ளுபடி விற்பனை, சிறப்புப் பேருந்துகள், 23 மணி நேர மெட்ரோ ரயில்கள், துபாய் பீச் பார்க்களில் எல்லாம் பெரும் திரளான கூட்டம், அலைமோதும் டூரிஸ்ட் கூட்டம், ஊரு பூரா காணுமிடமெல்லாம் மின் விளக்குகளால் அலங்கரித்து நம்மை ஒரு கொண்டாட்ட மனநிலைக்கு உட்படுத்திவிடுவார்கள்.

ஈத் விடுமுறை வருகிறது என்றாலே, நீ எங்க போற, நான் இங்கு போகப்போகிறேன் என்றுதான் எல்லோரிடமும் ஒரே பேச்சா இருக்கும். நாமும் கண்டிப்பா எங்காவது நிச்சயம் போவோம், அல்லது போகத் தூண்டப்படுவோம். போதாகுறைக்கு 4, 5 நாள் எல்லா அலுவலகத்திற்கும் விடுமுறை வேறு. விதி வலியது பாஸ்……….

இது போதாதா....!! எளிமையா விளங்க சொல்லனும் என்றால் நம்ம ஊர் தீபாவளி போல, இவங்களுக்கு ஈத் திருநாள் (பக்ரீத்). நீங்கள் பிரியப்பட்டால், இந்தத் திருவிழாவைப் பற்றித் பற்றி தனியாக ஒரு கட்டுரை எழுதுகிறேன்.

நான் ஒரு நாள் பயணமாக, காரில் ஒரு லாங்-டிரைவ் போகலாம் என்று முடிவெடுத்து, சனிக்கிழமைக்குத் தேதியும் குறித்தாயிற்று. எங்கு செல்வது என்று திட்டமேதும் வகுக்கவில்லை. ஆனால் எல்லோரும் போகும் அதே வழியில் போகாமல், புதிய அறியப்படாத ரோட்டில் போகலாம் என்ற எண்ணம் உதித்தது. மேலோட்டமாக, ஹத்தா வழியாகச் சென்று ஃபுஜேரா அடைந்து, வீடு திரும்பலாம் என்பது தான் அடிப்படைத் திட்டம். நான், மகன் யோகவ், மனைவி, இரு தங்கைகள் மற்றும் என் அலுவலக நண்பன் சார்ல்ஸ். இவர்தான் காரோட்டுனர், ஏன்னா என்கிட்டதான் லைசன்ஸே இல்லியே...

ஹத்தா (Hatta)...

ஹத்தா என்பது துபாயிலிருந்து சுமார் 100கி.மி. தொலைவில் அமைந்துள்ள துபாயின் சிறிய டவுன். நம் நாட்டின் ஒப்பீட்டில் ஒரு சிறிய கிராமம் அளவில் இருக்கும் டவுன் (town), அவ்வளவே. வீட்டில் இருந்து காலை 11 மணிக்கு புறப்படும்போது, சிறிய அளவில் மட்டும் பெட்ரோல் அடித்துக்கொண்டு கிளம்பினோம். இத்தனை தொலைவு செல்லும்போது கார் பெட்ரோல் டேங்க் முழுதும் நிரப்பிக் கொண்டு செல்வதுதானே உத்தமம் என்று நீங்க சொல்வது கேட்கிறது. இதற்கான விடை நீங்களே பின்பு அறிவீர்கள். அதுவரை உங்கள் யூகத்திற்கு விடுகிறேன்.

இந்த சிறிய டவுனுக்கா இத்தனை தூரம் போக வேண்டும் என நினைத்தீர்களா? ஹத்தா சிறப்பு என்னவென்றால், இது பலப்பல சின்னஞ்சிறு ’ஹஜ்ஜார்’ எனும் மலைகளால் சூழ்ந்த ஒரு ரம்மியமான பகுதி. மேலும் துபாய் இருக்கும் கடல் மட்டத்தைவிட, மேல இருப்பதால் சீதோஷ்ன நிலையும் நன்றாக இருக்கும். மொட்டை மலைகளாக இருந்தாலும் நல்ல காற்று வீசும் ஊர்.
 

ஹஜ்ஜார் எனும் சிசின்னஞ்சிறுமலைகள்

  ஹத்தா போகும் வழியில்தான் ’டசர்ட் சஃபாரி’ என்று சொல்லப்படும் பாலைவனத்தில் காரை ஓட்டி சாகசம் செய்யும் இடம் இருக்கு. நிறைய டூரிஸ்ட் கம்பனிக் கார்கள் சுற்றி திரிவதை காணலாம். இதற்கென தனிக்கட்டணம், முன்பதிவு ஆகியவை தேவை.

Desert Safari Ride

மேலும் போகும் வழி நெடுகிலும் நூற்றுக்கணக்கான ஒட்டகங்கள் சுற்றித் திரிவதையும் காணலாம். நமக்கு அதிர்ஷ்டம் இருக்கும் பட்சத்தில் ஒட்டகங்கள் ரோட்டின் ஓரமாக நடந்து வரும். நாம் வாகனத்தை நிறுத்திவிட்டு அதை தொடலாம், போட்டோ எடுக்கலாம், உணவளிக்கலாம். எனக்கும் அதிர்ஷம் அடித்தது என்றால் பார்த்துக்கோங்க.

ஹத்தா போகும் வழியில் - பாலைவனம்

ரோட்டோரமாக வந்த ஒட்டகங்கள்

ஒட்டகத்தை பார்த்து ரசிக்கும் யோகவ்

என் மகன் ஒட்டகத்தை, அது வரை புத்தகத்தில் மட்டுமே பார்த்துள்ளான். அதை நேரில் கண்டதும், ஏக குஷியாகிட்டான். என் தோலின் மீது அமர்ந்து, ஒட்டகத்தை தொட்டு தொட்டு பார்த்தான். அவன் மகிழ்ச்சி முகத்தில் பொங்கி வழிந்தது. என்னாதா இருந்தாலும், தொடுணர்சியின் சுகமே தனி தானே....!!

பின்பு பயனத்தை ஹத்தாவிற்கு தொடர்ந்தோம். வழி நெடுகிலும் என் மகன் யோகவ், அப்பா ஒட்டகம், இப்படி சாப்பிடுகிறது, நான் அதை தொட்டேனே என்று ஒரே கலாட்டா, நம் காதுகள் செவுடாகும் வரை. :) :) :) ஹத்தா ஊரை நெருங்குவதற்கு 15கி.மி. முன், போலீஸ் இடைமறிந்த்தார்கள். பயம் வேண்டாம். அது ஓமன் நாட்டின் எல்லை. ஹத்தா ஊரை சென்றடைய ஓமன் நாட்டின் எல்லையைக் கடக்க வேண்டும். ஒரே குழப்பமாக இருக்கிறதா, இது துபாயின் டவுன் என்று சொன்னேன் என்று?

இந்த ஊரின் புவியியல் அமைப்பு அப்படி. ரோடு வழியாகச் சொல்லும் போது, ஒரு சிறிய பகுதி ஓமன் நாட்டிற்கு சொந்தமானது. ஆகையால் நம் எமிரேட்ஸ் ஐடி கார்டை காட்டிவிட்டு, பயனத்தை தொடரலாம். உங்களுக்கு எளிதில் புரியவேண்டும் என்பதற்காக மேப் படத்தை தருகிறேன், காணுங்கள்.

 பத்தி அதிகமாக வருவதால், பகுதி பகுடியாக தொடர்கிறேன், உங்கள் விருப்பம், ஆதரவு இருக்கும் பட்சத்தில்.

Ustad Hotel – Malayalam Movie

உஸ்தாட் ஹோட்டல் – Ustad Hotel – Malayalam Movie

இப்படி ஒரு படம் பார்த்து வெகு நாளாச்சு. என்னடா இவன் எப்போ பார்த்தாலும் மலையாளப்படம் பற்றி சொல்றானே என்று நீங்க நினைப்பது புரியுது. தமிழ், இங்கிலீஷ் படம் என்று பிரிச்சுமேய கேபிள் சங்கரும், ஹாலிவுட் பாலாவும் இருக்காங்க. நாம அவிங்க கிட்டக்ககூட நிக்க முடியாது, மூஞ்சி முகரை எல்லாம் பிஞ்சிடும். :):):)

 

 

நான் இங்கு சொல்வது எல்லாம் என்னை போட்டு புரட்டிய மிக அற்புதமான படங்கள் மட்டுமே.... சரி விசயத்திற்கு போவோம்.

மிக சிம்பிளான கதை. ஹோட்டல் பிஸினசையும் மனித நேயத்தையும் முடிச்சு போடும் ஒரு கதைகளன், அவ்வளவே. ’இங்கு சாப்பிட வருபவர்களின் வயிறு நிறைந்தால் மட்டும் போதாது, சமைக்கும் நம் மனதும் நிறையனும்’. எதற்காக சமைக்கிறோம் என்று உணரனும். இதை வைத்துகொண்டு ஒரு முழுப்படம் ஓட்ட முடியுமா என்றால் ஒரு காவியமே செய்ய முடியும் என்று நெத்தியில் அடிச்சு சொல்லிருக்கும் படம்.

உஸ்தாட் ஹோட்டலை கரீம் என்ற வயதான முதியவர் (திலகன்) நடத்திவருகிறார். இவரின் பேரன் ஃபைசல் (துல்கர்) இன்றைய நவீன காலத்து இளைஞனின் லட்சியங்களோடு எதிர்பாரா விதமாக இங்கு வந்து சிறிது காலம் தஞ்சம் புகுகிறார். உஸ்தாட் ஹோட்டல் பிரியாணி அந்த ஏரியாவில் மிகப்பிரபலமாக இருந்தும், ஹோட்டல் கடன் சுமையில் தத்தளிக்கிறது. அதற்கு காரணம் தன் தாத்தா காசுக்கு அலையாமல், வருபவர்களின் மனசே பெரிதென்று இருப்பவர்.

நிறைய குட்டி குட்டி கதைகள். ஃபைசல் பிறக்கும் கதை, ஃபைசலுக்கும், நித்யா மேனனுக்கும் நடக்கும் பெண் பார்க்கும் படலம், பின்னாளில் ஏற்படும் மெல்லிய நட்பு கலந்த காதல், நித்யா மேனன் ஒரு முஸ்லீம் பெண், வீட்டிற்கு தெரியாமல் அடிக்கும் லூட்டி, அவள் அனுபவிக்கும் சுதந்திரம், பேரனுக்கும் தாத்தாவிற்கும் இருக்கும் முரண் மற்றும் அன்பு, ஃபைசலுக்கும் தந்தைக்கும் இருக்கும் லட்சிய மோதல், இறுதியில் நம்ம ‘பசங்க’ பட வாத்தியார் ஜெயப்பிரகாஷின் குட்டி நெகிழ்ச்சியூட்டும் கிளைக்மாக்ஸ், ஃபைசல் மனிதநேயம் பற்றி உணரும் தருணம் எல்லாம் படிப்படியாக காவியமாக விரிகிறது.

ஃபைசலாக (Faizal) மம்முட்டியின் மகன் துல்கர் சுல்தான். இவர் பிறக்கும் குட்டி கதையே ரகளை. இவர் தந்தை தனக்கு, பையன் தான் வேண்டும் என்று ஒவ்வொரு முறையும் ஆசைப்பட்டு அடுத்தடுத்தாக 4 பெண்களாக பிறக்கிறார்கள். ஐந்தாவதாக இவர் பிறக்கும் முன் வெறுத்து துபாய்ல வேலைக்குபோய் நல்ல பணக்காரனாக முன்னேறுகிறார்.

துல்கர் படத்திற்கு என்ன தேவையோ அதை பர்ஃபெக்டா கொடுத்து நடித்து விளையாண்டிருக்கார். குறிப்பா இவர் வாய்ஸ்ல ஒரு அட்ராக்‌ஷன் செம்மயா இருக்கு. செம வசீகரிக்கும் குரல். இனிமேல் மம்முட்டியோட மகன் துலகர் என்று சொல்லக்கூட தேவையில்லை போல.

திலகன் என்னா நடிகன்யா..!!! நமக்கு தெரிந்ததெல்லாம் ‘வர்னும் பழைய பன்னீர்செல்வமா வர்னும்’ என்று சத்திரியன் படத்தில் சொன்ன திலகனைத்தான். படத்தின் நிஜ ஹீரோவே இந்த மனுஷன் தான். உண்மையில் இவர் ஒரு மகாநடிகன், ’ஜஸ்ட் லைக் டட்’ நம்ம சிவாஜிய கிராஸ் பண்ணிடுவார் மனுஷன் - மிகைப்படுத்திய நடிப்பு துளியும் இல்லாமல். இவர் நடித்த கடைசி படமும் கூட.

ஹீரோயினாக நித்யா மேனன் (வெப்பம் பட ஹீரோயின்) அருமையான நடிப்பு. ஒரு இளமை துள்ளல் படம் பூரா பரவிகிடக்கு. குறிப்பா தான் வெளியில் சுதந்திரம் அனுபவிக்கும் காட்சி, நடுரோட்டில் டிரைவரிடம் இருந்து தப்பித்து ஓடும் காட்சி, அந்த சமயத்தில இவள் சிரிப்பு கொள்ளை அழகு. பார்த்துட்டே இருக்கலாம்....



இன்னொன்று படத்தின் இசை...... அட்டகாசம், ஆனந்தம்...ஆசம் (Awesome)!!! சூஃபி இசை படம் பூரா படர்ந்து கிடைக்கிறது. அவ்வளவு இனிமை அதை கேட்க. சூஃபியையும், வெஸ்டர்ன் இசையும் சேர்த்து சில இடத்தில் கொடுத்துள்ளார்கள்.... வர்ணிக்க வார்த்தையில்லை.

இன்னொரு குட்டி கதை சொல்ல மிஸ் பண்ணிட்டேன்.... இந்த மேலே போஸ்டரில் இருக்கும் காட்சி....அதாவது திலகன், சுலைமானி டீயை எப்படி செய்தார் என்று துல்கர் கேட்கும் இடமும், அதை தொடர்ந்து திலகர் சொல்லும் தன் கதையும் அருமையோ அருமை...... இந்த காட்சியை பார்த்தால் தான் அதன் பரவசம் புரியும். கீழே கொடுத்துள்ள பாடலை காணுங்கள்.

https://www.youtube.com/watch?v=wp-_XtXAPF4

கண்டிப்பா பாருங்க... மிஸ் பண்ணவே கூடாது....!!!

இந்த படம் முடியும் போது, நீங்களும் இனிமேல் நாம் சாப்பிடும் உணவை வீணாக்கக்கூடாது என்ற எண்ணம் நிச்சயம் தோன்றும். அதுவே இந்த படத்தின் வெற்றி.

’Pranchiyettan & the Saint’ - Malayalam Movie

நீங்க விழுந்து விழுந்து வகுரு வலிக்க சிரிக்க ஆசையா?? ரிலேக்க்ஷா ஜாலியா ஒரு படம் பார்க்கனும்னா உடனே ’Pranchiyettan & the Saint’ என்ற மம்முட்டி நடித்த மலையாள படம் பாருங்கள்.... உங்க வகுத்தை பதம்பார்க்க போவது உறுதி. அதுக்கு நான் கியாரண்டி.

பிராஞ்சியேட்டனாக வரும் மம்முட்டி, திரிசூரில் பெரிய தொழிலதிபர், நல்ல மனிதன். அளவிற்கு மேல் பணமிருந்தும் புகழ் இல்லை, அதற்கு காரணம் தமக்கு படிப்பிலை, (10ஆம் வகுப்பு தேராதவர்) அதனால் தான் யாரும் தம்மை மதிக்கவில்லை என்று நம்புகிறார்.

இவருடன் இருக்கும் அடிபொடிகள், இவரை புகழ் அடைய அடிக்கும் லூட்டிகள் தான், நம் வயிற்தை பதம் பார்க்கும் பெரும் பகுதி.

கிளப் பிரசிடண்ட் தேர்தலில் போட்டி போட செய்து தோற்பது, ஆஸ்கார் விருது வாங்கிய ஒருத்தருக்கு பாராட்டு விழா நடத்தி புகழ் அடைய முயற்சிப்பது, அவ்விடத்தில் பத்மஸ்ரீ வாங்கியவர் வந்தயுடனே மம்முட்டியை கண்டுக்காமல் எல்லோரும் ஒதுக்குவது, உடனே நாமலும் பத்மஸ்ரீ குறுக்கு வழியில் காசு கொடுத்து வாங்கி புகழ் அடையலாம் என்று சந்து கேப்பில் முயற்சிப்பது என்று எல்லா செய்தும் தோல்வியே....ஆனால் அனைத்தையும் சிரிக்க சிரிக்க சொல்லிருக்கிறார்கள்.... டயலாக் காமெடி எல்லாம் சரவெடி, அடி தூள்.

இதற்கிடையே நம்ம பிரியாமணிக்கூட ஒரு சிறிய அழகான க்யூட் காதல், பௌலி என்ற மாணவனை வகுப்பில் தேர்ச்சி அடைய செய்யும் மம்முட்டியின் பிராயத்தம் என கதை நகரும்.

படம் முழுதும், மம்முட்டி கடவுளிடம் நேரில் பேசுவது போல் கதை நகரும்.

குறிப்பாக மம்முட்டி திரிசூர் பாஷையில் பேசும் விதம் டயலாக் டெலிவரி, செம அருமை.

இன்னஷண்ட் மம்முட்டியிடம், செவாலே சிவாஜி விருது சும்மாவே தராங்களாம், பைசா செலவு செய்ய தேவையில்லை என்று சொல்லும் இடமும், அதற்கு மம்முட்டி, இன்னஷண்டை போட்டு பிரிச்சு மேயும் பகுதியும், கடவுள் மலையாளிகளை குறிப்பிடும் பகுதியும் செம நக்கல் அடிச்சு விளையாடிருக்காங்க...

 

ஹைலைட்டே கிளைமாக்ஸில் கடவுளையும் ஓட்டு ஓட்டுன்னு ஓட்டி தள்ளிருப்பாங்க.... :) :) :) சேன்ஷே (chance' ae) இல்லை. அந்த டயலாக்கும் நீங்க பார்த்தா தான் புரியும். :) :) :)

என்ஞாய்...

'22 Female Kottayam' - Malayalam Movie review

இந்த வாரம் '22 Female Kottayam' என்ற மலையாளம் திரைப்படம் பார்த்தேன். அருமையான படம். 

மலையாள படத்திற்கே உரிய கதைக்கரு, அதையொட்டி செல்லும் slow ஸ்கிரீன் ப்ளே.... Heroine ஆக்டிங் பிரமாதம். அதிலும் ரெண்டாம் பாதியில், அவள் நடிப்பு அடி தூள்...

கேரளாவில் அதிகப்பெண்கள் நர்ஸிங் படித்துவிட்டு வெளிநாட்டில் வேலைக்கு செட்டிலாகும் வழக்கம் கொண்டவர்கள் அங்கிருக்கும் இக்காலத்து பெண்கள் (குறிப்பாக கோட்டயம் பெண்கள்). வீட்டிற்கு ஒரு நர்ஸ் நிச்சயம் இருப்பார்களாம் அங்கு. அவர்கள் வாழ்க்கையில் நடக்கும், எதிர்நோக்கும் பிரச்சனைகள் தான் படத்தின் கலம்..

சாதாரணமாக பார்த்தால், ஒரு பழிக்கு பழி வாங்கும் கதை தான். அதை இந்த பெண் எப்படி இவர்களின் வலையில் மாட்டுகிறாள், அவள் அடுக்கும் முடிவு, அதை எப்படி செய்கிறாள் என்பதில் தான் படத்தின் வெற்றியே...
குறிப்பாக கிளைமாக்ஸ் மிக அருமை.

தமிழ்ல இப்படியெல்லாம் வர வாய்ப்பே இல்லை...

'Diamond Necklace' - Malayalam Movie Review

'Diamond Necklace' என்ற மலையாள படம் நான்கு ஐந்து நாட்களுக்கு முன் பார்த்தேன். அது தந்த ஹேங் ஓவர் இன்னும் தீரலை, ஆதலால் பகிர்கிறேன்.

இயல்பான கதை, குறிப்பாக Gulf ல் வாழும் இன்றைய இளைஞர்களின் நிலை அப்படியே பிரதிபலிக்கும் கதைக்களன். இங்கு 'Credit Card' ஐ சர்வ சாதாரணமாக உபயோகிக்கும் முறையை தோலுறிச்சு காட்டும் படம்.

இந்த கிரெடிட் கார்ட் நம்மை எப்பேற்பட்ட சூழ்நிலைக்கு தள்ளும் என்பதை மிக எதார்த்தமாக, அதே சமயம் அழுது வழியாமல் ஜாலியாகவும் சொல்கிறது.

டைரக்டர் ஃபைசலின் வாரிசு ‘Fahad Faizal’ நடித்த படம். (22 Female Kottayam) படத்திலும் இவர் நடிப்பு சிறப்பாக இருக்கும். நல்ல நிலையில் இருக்கும் ஒரு டாக்டர் இளைஞன், ஆனால் பொறுப்பில்லாமல் செலவு செய்யும் ஜாலி ஆள். இதற்கிடையில் தன்னுடன் வேலை செய்யும் நர்சுடன் காதல், கடன் தொல்லையால் சந்தர்ப்ப வசத்தால் வேறொரு பெண்ணுடம் கல்யாணம், பேஷண்டாக வரும் பெண்ணுடன் ஏற்படும் இயல்பான நட்பு , பின்பு மெல்லிய  காதல்.

ஒரு கட்டத்தில், credit Card கடன் தொல்லை தாங்காமல், தன் தோழியின் (பேஷண்ட்) Diamond necklace ஐ திருட முனையும் ஒருத்தனின் கதை. படிக்கதான் சீரியலாக இருக்கே ஒழிய, படம் பூரா டயலாக் காமெடி, கதையுடன் நிறைய இருக்கு.

கிளைமாக்ஸ் டிவிஸ்ட் சூப்பர்.

சீனிவாசன் கடைசியில் சொல்லும் செய்தி அருமை. 21 வருடம் வேலை செய்து ஒரு வீடு தான் வாங்க முடிந்தது. இங்கு செலவு செய்ய தூண்டும் காரணிகள் அதிகம், ஆனால் ஒரு கனம் ஊரில் நம்மை சார்ந்து இருக்கும் பெற்றோர், மனைவி, குழந்தைகள் கண் முன்னாடி வரும் பொழுது நம்மை அடக்கி ஆள பழக்கி கொள்கிறோம் என்று கூறும் செய்தி அபாரம்.

படம் முழுதும் துபாய்ல எடுத்து இருக்காங்க. என் ஆபிஸ் அருகில் கூட ஒரு காட்சி இருக்கு. எப்போ எடுத்தாங்கன்னே தெரியுலை.

ஒரு மிக்கிய பதிவு - இன்சூரன்ஸ் பற்றிய விழிப்புணர்வு

பல நாட்கள் இதை உங்களிடம் பகிர வேண்டும் என்று இருந்தேன், ஆனால் ஏனோ தள்ளிக்கொண்டே போனது. புத்தாண்டை முன்னிட்டு இப்போ ரிலீஸ். அனைவருக்கும் உபயோகம் உள்ள செய்தி. இன்சூரன்ஸ் பற்றி தான் பேச நினைத்தேன்.

நம்மில் பலபேர் இன்சூரன்ஸ் மற்றும் முதலீட்டை ஒன்றென்று குழப்பிக்கொள்கிறோம்.. ரெண்டும் வேறுவேறு. முதலில் இன்சூரன்ஸ் என்பது நமக்கு அசம்பாவிதம் நேரும் பொழுது, நம் குடும்பத்தின் பண தேவையை எந்த நிர்பந்தம் இல்லாமல் கடன் சூழலில் சிக்காமல் எளிதில் பூர்த்தி செய்ய உதவும் ஒரு திட்டம் என்பதை நினைவில் சொல்லுங்கள். இது ஒரு வரப்பிரசாதம். ஆகவே முதலீடு அன்று. முதலீடு என்பது நம் பணம் அதன் அசலை விட நமக்கு லாபம் தரும் பொருட்டு போடுவது. ஆகவே முதலீடுக்காக இன்சூரன்சில் பணத்தை போட வேண்டாம்.

இன்சூரன்சில் பல திட்டம் இருந்தாலும், நான் இங்கு சொல்லப்போவது நம் அத்தியாவசிய தேவையை பூர்தி செய்யும் டெர்ம் இன்சூரன்ஸ் திட்டம் பற்றி தான். நம் எல்லோருக்கும் குடும்ப நிதித் திட்டமிடல் கட்டாயம் தேவை.நாம் நல்லதே நினைப்போம். இருப்பினும், நம் குடும்பத்தின் நலம் நம் எல்லோருக்கும் மிக முக்கியம் என்பதால் டெர்ம் இன்சூரன்ஸ் எடுப்பது சாலச் சிறந்தது.

டெர்ம் இன்சூரன்ஸ் என்பது நமக்கு அசம்பாவிதம் நேரும் பொழுது, நமது குடும்பத்துக்கு அதன் முழு தொகை போய் சேரும். இதில் உள்ள சிறப்பு என்னவென்றால், ஒரு பத்து லட்சம் இன்சூரன்ஸ் தொகைக்கு நாம் வருடம் 2000 -2500 ருபாய் வருடம் தோறும் கட்டினால் போதுமானது. இதில் முதிர்வு தொகை கிடைக்காது. முழுக்க முழுக்க ரிஸ்க் சார்ந்த இன்சூரன்ஸ். நம்மில் பலபேர் முதிர்வு தொகை எதிர் நோக்கி இத்தகைய திட்டத்தை தேர்ந்தெடுக்க தயங்குகிறோம். இதுதான் நாம் செய்யும் தப்பு. ஒரு 1000 ரூபாய் தொகைக்கு நமக்கு 10 லட்சம் தரும் பொழுது, இதை எடுக்க தயங்க கூடாது.

தேவை இல்லாமல் நிறைய பணத்தை இன்சூரன்சில் போடுவதை நிறுத்தவும். மீதி உள்ள எல்லா பணத்தையும், ஒரு fixed டேபோசிடிலோ, ஸ்டாக் மார்க்கெட் அல்லது மூசுவல் பண்டிலோ போட்டு உங்கள் முதலீட்டை பெருக்கவும். இதுவே சிறந்த முறையாகும்.

ஒரு சந்தேகம் வரலாம். ஒருவர் எவ்வளவு தொகை ரிஸ்க் இன்சூரன்சில் எடுக்க வேண்டும் என்று. ஒரு எளிய முறை. நம் வருட வருமானத்தை 10 மடங்காக பெருக்க வேண்டும். இதுவே நாம் எடுக்க வேண்டிய டெர்ம் இன்சூரன்ஸ் தொகை.

இப்பதிவு உங்கள் அனைவருக்கும் பயனுள்ளதாக இருக்கும் என்று நம்புகிறேன். வெறும் படித்து லைக் போடாமல், இதை செயல் படுத்தி உங்கள் குடும்ப நிதி தேவையை சரியாக திட்டமிடுங்கள். பயன் பெறுங்கள். உங்கள் ஐயங்களை தெரிவியுங்கள், நான் அதை தெளிவு படுத்த முயற்சிக்கிறேன்.

குறிப்பு - நான் இன்சூரன்ஸ் agent அல்ல. உங்களிடம் மார்க்கெட் செய்யவில்லை.

துபாய்

துபாய் - ஒரு மொக்கை டாகுமெண்டரி அட்டெம்ப்ட் - ஹரி - Part- 1

துபாய் என்றால் நம் ஊரில் பெரும்பாலானோர் மண்டை குழப்பிகொள்கிரார்கள். துபாய், சவுதி, ஓமான், பஹ்ரைன், கத்தார் எல்லாம் ஒன்றென்று. உண்மையில் எல்லாம் வேறு வேறு அண்டைய நாடுகள்.

தப்பு செய்தால் மனுஷனை வெட்டிடுவாங்க, ஆண்கள் கவலை - சரக்கு கிடைக்காது (அவர்கள் கவலை அவர்களுக்கு), பெண்கள் பர்தா அணிய வேண்டும், சைட் அடிக்க முடியாது, பொண்ணுங்க கிட்ட பேசுனா சவுக்கு அடி... ரூல்ஸ் மிக கடுமையாக இருக்கும், இன்னும் எத்தனையோ விஷயங்கள்...இப்படி எல்லாம் மனுஷன் வாழ முடியாதென்று, வரவே பயப்படுகிறார்கள்.

நிஜத்தில் துபாய் முற்றிலும் மாறுபட்ட ஊர், ஆனால் தனி மனித ஒழுக்கம் அபாரம். சுதந்திரம் என்றால் என்னவென்று இங்கு அறியலாம். சுதந்திரம் உங்கள் கையின் நுனி வரை என்று யாரோ ஒருத்தர் சொன்னதா நியாபகம். நீங்கள் அடுத்தவரை சீண்ட கூடாது. சீண்டாமல் நீங்கள் எல்லாம் செய்து சொல்லலாம்.

மற்றொரு குழப்பம், துபாய் ஊரா அல்லது தனி நாடா என்பது...??? துபாய் தனி நாடல்ல, துபாய் என்பது ஐக்கிய அரபு நாட்டின் ஒரு ஊர் (அங்கம்).

ஐக்கிய அரபு நாடு என்பது 7 பிராந்தியம் அல்லது ஊர்கள் அடங்கிய நாடு. அபு தாபி, துபாய், ஷார்ஜா, அஜ்மான், புஜேரா, ராஸ்-அல்-கைமா, உம்-அல்-குயன் ஆகியவை அந்த ஊர்கள். அபு தாபி இந்த நாட்டின் தலை நகரம்.

நான் சொல்லபோவது இந்த நாட்டின் அரசியல் பற்றியோ, வரலாறு பற்றியோ, புவியியல் பற்றியோ நிச்சியமாக கிடையாது. நம்மக்கு தேவை யான சமாச்சாரங்கள் மட்டுமே.

இனி நான் சொல்லபோவது துபாய் பற்றிய தொகுப்பு மட்டுமே. இது ஒரு சொர்க்க பூமி. எல்லா தரப்பினர்க்கும் அவர்கள் விரும்பும்படி இருக்கும் versatile ஊர். டூரிஸ்ட்களுக்கு நிறைய புதிய புதிய இடங்கள், பார்த்து வியக்கும் விஷயங்கள், குடும்பஸ்தர்களுக்கு amusement நிறைந்த பொழுதுபோக்கு ஸ்தலங்கள்,தேசேர்ட் சபாரி, டோவ் க்ரூஸ், ஐஸ் skeing, நூற்றுக்கணக்கான மால்கள், ஒவ்வொன்றும் ஒரு விதத்தில் தனித்துவம் பெற்றது, பேச்சுலர்களுக்கு இரவு வாழ்கை, பப், டான்ஸ் பார், (தமிழ் டான்ஸ் பாரும் உண்டு), ஐஸ் பார் (முழுவதும் ஐஸ்ல செஞ்ச ஹோட்டல்), சைட் அடிக்க வித விதமான நாட்டு பெண்கள், டிரெஸ்ஸிங் ஸ்டைல், (ஒரே குஜால்ஸ் தான்). தேசேர்ட் சபாரி, வித்தியாசமான மால்கள், பெண்களுக்கு தங்கநகை மார்க்கெட், அழகு சாதனம் கொட்டி கிடைக்கும் இடங்கள், விதவிதமான ஆடைகள், விளையாட்டு சாதனங்கள் அனைத்தும் கிடைக்கும் அறிய ஊர்.

துபாய் - பார்ட்-2

என்னை மீண்டும் எழுத தூண்டிய அத்தனை உள்ளங்களுக்கும் நன்றி.

முக்கிய குறிப்பு : நான் முதல் பாகத்தில் சொன்ன சமாச்சாரங்கள் எல்லாம் துபாய்க்கு (UAE ) மட்டும் தான் பொருந்தும். பஹ்ரைன் நாட்டில் கூட ப்ரிச்சனை இல்லை.

ஆனால் நீங்கள் சவுதியில் செய்தால் பிறகு கம்பெனி பொறுப்பல்ல. அங்கு வெட்டு நிச்சயம் !!!. (ஏக் மார் தோ துக்கடா தான்) சுருக்கமாக சவுதி ஒரு வனவாச துறவி வாழ்க்கை போன்றது. குஷ்டம் டா சாமி அங்க...!!! அப்புறம் ஹரி சொன்னமாரி இங்க ஒன்னுமே இல்லன்னு அழக்கூடாது.

டவுட் கிளியர் பண்றேன் - மிஸ்கின் சார் க்கு - துபாய் அரசரின் அரச மாளிகையை ஹோட்டல் ஆக்கி விவிஐபிக்கள் தங்கும் இடமாக ஆக்கவில்லை சார். எனக்கு தெரிந்த மட்டும் அப்படி ஒன்றும் இங்கு உருவாக்கவில்லை சார்.

துபாய் என்றால் நம் மனதில் தோன்றும் சில விஷயங்கள். (அல்லது துபாயின் சிறப்புகள்.)
1. வரி இல்லா நாடு. நாம் வாங்கும் சம்பளம் முழுவதும் நமக்கே. Income tax என்ற ப்ரிச்சனையே இல்லை.
( ஆனால் இந்த ஊர் மாம்ஸ் ரொம்ப மோசம். நம்ம ஊரு புள்ளைபிடிக்கிரவனை விட கில்லாடிகள். எப்படித்தான் ஒளிஞ்சு இருந்து அபராதம் போடுவானோ.. ??? பார்கிங் பைன், லேட் பைன், ரோடு violation பைன்..இன்னும் லொட்டு லொசுக்கு என்று.. விரிவாக பின்னாடி பாப்போம்)
2. உலகத்தின் மிக உயரமான பில்டிங் Burj Khalifa
3. உலகின் மிகப்பெரிய பிரசத்தி பெற்ற வாட்டர் பௌண்டைன் (fountain) டான்ஸ்.
4. உலகத்தின் ஒரே 7 ஸ்டார் ஹோட்டல் புர்ஜ்-அல்-அராப் இருக்கும் ஊர்
5. கடல் நடுவே மனிதனால் உருவாக்கப்பட்ட செயற்கை ஐலன்ட்கள் (பாம் ஜுமேரா (பனை மாற வடிவில் இருக்கும் ஐலன்ட், வோல்ர்ட் ஐலன்ட் - உலக வரைப்படம் போன்று தோற்றமளிக்கும் ஐலன்ட்)
6. ஷாப்பிங் செய்ய உகந்த இடம் (ஏராளமான மால்கள்)
7. உலகத்தின் அதிவேகமாக வளரும் ஊர்களில் ஒன்று
8. உலகின் பெரிய மீன் தொட்டி... (துபாய் அகோறியும் - இந்த சின்ன தொட்டியில் 3 சுறா, 33 ,000 உயிரினங்கள் உயிர் வாழ்கிறது, அம்புட்டுதான்.)
9. Desert safari & பெல்லி டான்ஸ்
10. உலகின் நீண்ட ஆளிலா தானியங்கி ரயில் (75 கி.மீ )
11. உலகின் மிகப்பெரிய ஷாப்பிங் மால் (மற்றும் அதிகமான பார்கிங் வசதி கொண்ட மால்)
12. தங்க நகை மார்கெட் உள்ள இடம்.

இன்னும் நிறைய உள்ளது.

டூரிஸ்ட் இடங்கள், அதன் சிறப்புகள், தவிர்க்க கூடா இடங்கள், பொழுதுபோக்கு இடங்கள், இரவு வாழ்க்கை, உணவு முறை, காஸ்ட் அப் லிவிங், ஏற்படும் சில சங்கடங்கள் பற்றி இனி ஒவ்வொன்றாக விரிவாக பார்ப்போம்....

 துபாய்-பார்ட்-3 

முக்கிய குறிப்பு - இன்னைக்கு நல்ல பதமான கத்தி இல்லாத காரணத்தினால் மொக்கை கத்தியில் நான் அறுக்க வேண்டிஉள்ளது. பேச்சு பேச்சா இருக்கனும். அடிக்கவெல்லாம் கூடாது. மொக்கைக்கு நான் ரெடினா மேற்படி படிச்சு உடம்பு பூரா ரத்தம் ஆகிக்கலாம்.

மிஸ்கின் சார் பகுதி - நீங்கள் கேட்டதற்கு என்னுடைய பதில். அபுதாபியில் கூட அரசர்களின் மாளிகையை பிற்பாடு ஹோடேலாக மாற்ற வில்லை. ஒருவேளை நீங்கள் கூறுவது, நிச்சயம் இதுவாக தான் இருக்கும் என யூகிக்கிறேன். அபு தாபியில் 'எமிரேட்ஸ் பேலஸ்' ஒன்று ஒரு ஹோட்டல் உள்ளது. (இது அரசர்களின் அரச மாளிகை அல்ல.) மாறாக அரசர்களின் மாளிகைப்போல் வடிவமைக்கப்பட்ட நட்சத்ர ஹோட்டல், அபுதாபி அரசால் கட்டப்பட்டது. இப்பொழுது கேம்பென்ஸ்கி என்னும் புகழ்பெற்ற ஹோட்டல் நிறுவனம் மேற்பார்வையில் இயங்கி வருகிறது. உலகத்தின் அதிக பொருட்செலவில் கட்டப்பட்ட ஹோடேல்களில் இரண்டாம் இடம் இதன் சிறப்பு. (சுமார் 13,200 கோடிகள்). இங்கு பேலஸ் கிராண்ட் சூட் ரூமில், ஒரு நாள் தங்க வாடகை சுமார் 7 லட்சம் ரூபாய்கள் தேவைப்படும்.

 எமிரேட்ஸ் பேலஸ்

 Grande சூட்

நீங்கள் சொல்வது முற்றிலும் உண்மையே. உலகின் பணக்காரகளின் பட்டியலில் இந்த அரசர்கள் தான் முதல் இடம் வகிக்கவேண்டும் . ஆனால், இவர்களை தனி நபர் சம்பாத்தியமாக கணக்கில் கொள்ளவில்லை, அந்த குழுவினர் . இது ஒரு அரசின் கஜானா தொகையாக கருதினர். ஆகையால் பில் கேட்ஸ் மற்றும் பிறர் முதல் இடத்தில உள்ளனர். அவ்வளவே...

துபாய்-பார்ட்-4

துபாய் டூரிஸ்ட் இடங்கள், இதன் சிறப்புகள் சொல்வதற்கு முன்னால், இந்த மேட்டரை சொல்லவில்லை என்றால் உம்மாச்சி கண்ணை குத்தும். சாமிகுத்தம் ஆய்டும் சாமியோவ். சோ நான் சொல்லவந்தது இந்த ஊரின் மவ ராசன் மற்றும் அரச குடும்பத்தைப்பற்றி குலிக்கூண்டு பார்த்து கொஞ்சம் புண்ணியம் தேடிக்கொள்ளலாம்.

இப்பொழுது இருக்கின்ற துபாயின் அசுர வளர்ச்சிக்கு முழுமுதற் காரணம் தற்போதுள்ள மவராசன் "ஷேக் முஹம்மத் பின் ரஷித் அல் மக்தூம்". இவர்தான் ஐக்கிய அரபு எமிரேட்ஸ் (UAE) நாட்டின் துணை ஜனாதிபதி மற்றும் பிரதம மந்திரி. டூ-இன்-ஒன் மாமு...ஆனா, இதுக்கு எல்லாத்துக்கும் மேல, துபாய் ஊரின் ஆட்சியாளராக, அரசராக உள்ளார்.

சரி, விஷயத்துக்கு வருவோம், மொக்கை போதும். துபாயின் வளர்ச்சி இப்பாலிக்க... ஒரு 10 வருசத்துக்கு முன்னாடி இவர் மற்றும் அவரது அரசாங்க ஆலோசகர்கள், துபாய் விரைவில் எண்ணெய் காலி சாமியோவ் என்பதை உணர்ந்தனர் (எண்ணெய் துபாய் மொத்த உள்நாட்டு உற்பத்தியில் ஒரு பெரிய பங்கு இல்லை). அபு தபி தான் ஊருக்கெல்லாம் படியளக்கும் எண்ணெய் தெய்வம்.

உட்காச்சி நைட்டு புள்ள யோசிச்சாங்க.... டக்குன்னு ஒரு பல்பு எரிஞ்சது. எப்படியும் வர்த்தகம் அல்லது அதை போன்றவை நிச்சயம் ஒருசமயத்தில் உச்சம் பெறுமென்று. எனவே நம் மவராசன் ஷேக், துபாய் கென்று ஒரு மாதிரி வடிவம் தயாரித்தார்கள். அதான் ப்பா மாஸ்டர் பிளான்... பல்வேறு வர்த்தக துறையில் துபாய் உலக நாட்டை எப்படியெல்லாம் ஷோக்கா இழுக்கலாம் என்று..

இன்னும் இருக்கு..(இன்று மாலை போடுகிறேன் உங்கள் ஆதரவு தொடரும் என்றால்...)

இதுக்காக நாம் வீட்டை கட்ட, இருக்கிற பைசா எல்லாம் எடுத்து முழி பிதுங்குவோமே , அப்படி அவர் எல்லா சொத்தையும், இருப்புக்கள் எடுத்தார்... துபாய் ஊரை, சுற்றுலா மற்றும் விளையாட்டு நகரமாக பல்முனை கொண்ட ஊராக மாற்ற...நம்மெல்லாம் வீடு கட்டுன்னா, இந்த மவராசன் ஊரை கட்டுரான்ப்பா... அம்புட்டுதான்...

துபாய் - பார்ட் 5

முன்னாடி சொன்னதுபோல் நம்ம மவராசன் ஷேக், சுற்றுலா மற்றும் விளையாட்டு மேம்படுத்தும் திட்டத்தினை முன்னிறுத்தி பல்வேறு கட்டிடங்கள், எதிலும் முன்னோடியாக திகழும் வண்ணம் நிறைய புதிய யோசனைகள் என்று பக்கா பிளான் தீட்டினார்கள்....

இதன் காரணமாக, துபாயில் வணிகம் செய்யும் வாய்ப்பை உணர்ந்து பல வெளிநாட்டவர்கள் வர ஈர்த்தது. நம்ம நைனா, உடனே அட நம்ம நினைச்சதை விட மௌஸ் கூட இருக்கேன்னு, இங்கு தொழில் செய்யும் நிறுவனங்களுக்கு வரி கிடையாது, மற்றும் பல்வேறு வகையான சலுகைகளை வாரி வழங்கினார். அப்பாலிக்க என்ன, ராக்கெட் வேகத்தில் துபாய் வளர துடங்கியது.

மிஸ்கின் பகுதி : மவராசன் ஷேக் பற்றி சில ருசிகர தகவல்கள். முன்பு கூறியது போல் ஐக்கிய அரபு எமிரேட்ஸ் என்ற நாட்டில் துபாய், ஷர்ஜா, அபு தாபி, உம்-அல்-குயன், ராஸ்-அல்-கைமா, புஜேரா, அஜ்மான் ஆகிய 7 ஊர்கள் இருக்கிறது. 1971 ஆண்டுக்கு முன்பு வரை இந்த 7 ஊர்களும், 7 குட்டி நாடுகளாக இருந்தது. 1971 ஆம் இறுதியில் இந்த 7 நாட்டு ராஜாக்களும் ஒன்றிணைந்து ஐக்கிய அரபு எமிரேட்ஸ் என்ற நாட்டை உருவாகினார்கள்.

இருப்பினும் இன்றும் இந்த ஏழு ஊருக்கும் அந்தந்த ராஜாக்கள் தான் ஆட்சி செய்கிறார்கள். அவர்கள எல்லையும் அப்படியே இருக்கிறது. அவரவர் ஊரின் சம்பாத்யம் அந்த அரசர்களுக்கு. ஆகையால் தான் துபாய், அபு தாபி உலகிற்கு அறிந்த மட்டும் மற்ற ஊர்கள் அறியப்படவில்லை. அபு தாபியிடம் எண்ணெய் இருக்கிறது, துபாய் சுற்றுலா, வணிகம் மற்றும் விளையாட்டை முன்னிறுத்தி உலகில் தவிர்க்க முடியா இடமாக திகழ்கிறது.

இங்கு இன்றும் அரச குடும்பம் தான் ஊரை ( நாட்டை) ஆள முடியும். ஆனால், மூத்த பிள்ளைக்கு தான் இளவரசன், அடுத்த ராஜா என்ற முறை இல்லை. ராஜா, தனது புதல்வர்களில் யார் சிறப்பாக ஸ்மார்டாக,புத்திசாலியாக செய்யல்படுகிரார்களோ அவரை இனம் கண்டு அடுத்த இளவரசராக, தற்போதைய ராஜா தேர்ந்து எடுப்பார்.

இவ்வாறு துபாய்க்கு இப்போதைய ராஜா ஷேக் முகமது, 1995 ஆம் ஆண்டில் துபாய் இளவரசன் ஆக முடிசூடினார். துபாய் அதன் பிறகுதான் மாபெரும் மாற்றம் கண்டது என்றால் அது மிகையாகாது. இவரது மூத்த மூத்த சகோதரர் இறந்த போது, இவர் 2006 ல் துபாய் அதிகாரப்பூர்வ ஆட்சியாளர் மற்றும் அரசர் ஆனார். கடவுள் இவர்களுகேன்று கொஞ்சூண்டு எக்ஸ்ட்ரா மூளை கொடுத்து விடுகிறார்.